Bhagavad Gita: అధ్యాయం 7, శ్లోకం 25

7.4 மற்றும் 7.5 வசனங்களில் அவருடைய இரண்டு ஆற்றல்களை விவரித்த ஸ்ரீ கிருஷ்ணர் இப்போது அவருடைய மூன்றாவது சக்தியான யோகமாயாவைக் குறிப்பிடுகிறார். இதுவே அவருடைய உன்னத ஆற்றல். விஷ்ணு புராணம் கூறுகிறது:

விஷ்ணு ஶக்¹தி¹ஹி ப¹ரா ப்¹ரோக்¹தா¹ க்ஷேத்¹ரஞாக்²யா த1தா² ’ப¹ரா

அவித்⁴யா கர்¹ம ஸஞ்ஞான்யா த்¹ரிதீ¹யா ஶக்¹தி¹ரிஷ்யதே¹ (6.7.61)

'ஒப்புயர்வற்ற பகவான் ஸ்ரீ விஷ்ணுவுக்கு மூன்று முக்கிய ஆற்றல்கள் உள்ளன—யோகமாயா, ஆன்மாக்கள், மற்றும் மாயா.' ஜகத்குரு கிருபாலுஜி மஹராஜ் கூறுகிறார்:

ஶக்¹தி¹மான் கீ¹ ஶக்¹தி¹யான், அக³னித¹ யத¹பி¹ ப³கா²ந

தி¹ன் மஹ 'மாயா', 'ஜீவ' அரு ‘ப¹ரா' த்¹ரிஶக்¹தி¹ ப்¹ரதா⁴ன

(ப⁴க்¹தி¹ ஶத¹க்¹ வசனம் 3)

‘உச்ச உயர்நிலைக்குரிய ஆற்றல் வாய்ந்த ஸ்ரீ கிருஷ்ணருக்கு எல்லையற்ற ஆற்றல்கள் உள்ளன. இவற்றில், யோகமாயா, ஆன்மாக்கள் மற்றும் மாயா ஆகியவை முதன்மையானவை.'

தெய்வீக சக்தி, யோக³மாயா, கடவுளின் அனைத்து சக்தி வாய்ந்த ஆற்றல். அதன் மூலம், அவர் தனது தெய்வீக பொழுது போக்குகளையும், தெய்வீக அன்பு பேரின்பத்தையும், தெய்வீக இருப்பிடங்களையும் வெளிப்படுத்துகிறார். அந்த யோகமாயா சக்தியால், கடவுள் உலகில் அவதரித்து, பூமண்டலத்திலும் தனது தெய்வீக பொழுது போக்குகளை வெளிப்படுத்துகிறார். அதே யோக³மாயா சக்தியால், அவர் தன்னை நம்மிடமிருந்து மறைக்கிறார். கடவுள் நம் இதயத்தில் வீற்றிருந்தாலும், நமக்குள் அவர் இருப்பதைப் பற்றிய புலனுணர்வு நமக்கு இல்லை . அவருடைய தெய்வீக தரிசனத்திற்கு நாம் தகுதி பெறும் வரை யோக3 மாயையினால் அவருடைய தெய்வீகம் நம்மிடமிருந்து மறைக்கப்படுகிறது. எனவே, தற்சமயம் நாம் இறைவனை அவரது சுயரூபத்தில் பார்த்தாலும், அவரைக் கடவுளாக அடையாளம் காண முடியாது.

சி ¹தா³னந்த³மய தே³ஹ து¹ம்ஹாரி ,பி³கத பிகா¹ர ஜான அதி⁴கா¹ரி

(ராமாயணம் )

‘ஓ ‘கடவுளே நீங்கள் தெய்வீக வடிவம் உடையவர். யாருடைய உள்ளம் தூய்மையாக்கப்பட்டதோ அவர்களால் மட்டுமே உமது அருளால் உங்களை அறிய முடியும்.'

யோக³மாயா சக்தி உருவமற்றது மற்றும் ராதை, சீதா, துர்கா, காளி, லக்ஷ்மி மற்றும் பார்வதி போன்ற தனிப்பட்ட வடிவங்களில் வெளிப்படுகிறது. இவை அனைத்தும் மாயா ஆற்றலின் தெய்வீக வடிவங்கள், மேலும் அவை அனைத்தும் வேத கலாச்சாரத்தில் தாயாக மதிக்கப்படுகின்றன. மென்மை, இரக்கம், மன்னிப்பு, தியாகம், கருணை, காரணமற்ற அன்பு ஆகிய தாய்மைப் பண்புகளை அவை வெளிப்படுத்துகின்றன. மிக முக்கியமாக, அவர்கள் ஆன்மாவுக்கு தெய்வீக அருளை வழங்குகிறார்கள், மேலும் கடவுளை அறியக்கூடிய ஆழ்நிலை அறிவை அதற்கு வழங்குகிறார்கள். இதனால்தான் பிருந்தாவனத்தில் உள்ள பக்தர்கள் ராதே⁴ ராதே⁴, ஷ்யாம் ஸே மிலா தே³, ‘ஓ ராதா, தயவு செய்து உனது அருளைப் பெற்று, ஸ்ரீ கிருஷ்ணரை சந்திக்க உதவுங்கள்’ என்று பாடுகிறார்கள்.

இவ்வாறு, தெய்வீக சக்தி- யோகமாயா இரண்டு செயல்பாடுகளையும் செய்கிறது - இது தகுதியற்ற ஆன்மாக்களிடமிருந்து கடவுளை மறைக்கிறது மற்றும் சரணடைந்த ஆன்மாக்கள் அவரை அறியும் வகையில் அவர்களுக்கு அருள் செய்கிறது. கடவுளை நோக்கி முதுகைத் திருப்பியவர்கள் மாயையால் மூடப்பட்டு யோகமாயாவின் அருளைப் பெறுவதில்லை. கடவுளை நோக்கி முகத்தைத் திருப்புபவர்கள் மாயையிலிருந்து விடுபட்டு யோகமாயாவின் அடைக்கலத்திற்கு வருகிறார்கள்.